Personeel
Dalpark se belangrikste bate, is nie ons fantastiese fasiliteite nie, maar ons gelukkige personeelverhoudinge. Hierdie is die personeel van Dalpark sodat jy hulle op voornaamterme kan ken wanneer jy met hulle praat . . .
Werda Kriel - Finansies
Werda Kriel is een van ons twee onmisbare kerkkantoordames. Sy werk reeds sedert 1990 by ons gemeente en is hoofsaaklik verantwoordelik vir die finansiële aspekte in die kerkkantoor.
|
Karina Pienaar - Admin en lidmaataangeleenthede
Karina Pienaar is ons ander kantoordame wat jy oral oor sal sien. Sy werk sedert 2004 in die kerkkantoor en is hoofsaaklik vir die lidmaataangeleenthede verantwoordelik.
|
Mike Panayotou - Fasiliteitsbestuurder
Mike Panayotou is die bestuurder van al ons fasiliteite. Hy is onder andere verantwoordelik vir die opknap, instandhouding en verhuring van ons geriewe. Sedert hy in Sept 2009 by ons span aangesluit het, het hy homself onmisbaar gemaak.
|
Skoonmaakster
Lina is die personeellid wat die langste by ons is. Sy werk al sedert 1985 vir ons gemeente!
Sy sorg daagliks dat ons gemeentesentrum skoon en netjies is. |
Tuinwerker
Titus Khoza sorg dat die tuine op ons kerkperseel altyd so mooi lyk. Hy het in 2006 by ons span aangesluit.
|
Skoonmaakster
Sylvia werk
sedert 2005 in ons gemeente. Sy neem saam met Lina verantwoordelikheid vir die skoonmaak van ons gemeentesentrum.
|
Diane Samuel - Musiekdirekteur
Diane Samuel is onder andere verantwoordelik om die musiekgroep af te rig en ons eredienste liturgies in te kleur. Haar veelsydigheid as musikant en as musiekonderwyseres, maak haar vir ons baie waardevol. Sy het einde 2006
by ons gemeente aangesluit. |
Sielkundige
Le Roux Rossouw werk sedert Feb 2008 as sielkundige in ons gemeente. Hy is welliswaar nie deel van die betaalde personeelkorps in ons gemeente nie, en maak slegs gebruik van kantoorspasie, maar sy kundigheid is vir ons ’n waardevolle toevoeging.
|
Frikka Reyneke - Skakelbeampte
Frikka Reyneke het haar in Mrt 2010 in die pos van skakelbeampte ingegrawe. Dit behels onder andere die skedulering van alle afsprake met leraars. Sy is uiters effektief en gemeente-bediening is deesdae ondenkbaar sonder haar.
|
Tegniese operateurs
Die werk van 'n klankman is lankal nie meer net die verstel van volume nie. Daar is 'n tegniese en multimedia komponent wat bykom. Ons gemeente het heelwat vrywilligers wat help, maar omdat Barry van Wyk en Henko Swiegers die klank van twee oggenddienste én 'n aanddiens met ywer en passie hanteer - om nie te praat van weeklikse oefeninge en funksies nie - word hulle 'n klein honorarium gegee. Barry help al sedert 2004 en Henko het in 2015 aangesluit. Niks is vir hierdie twee manne te veel gevra nie.
|
Ds. Hennie Pienaar - Leraar
Hennie Pienaar bedien sedert Aug 2003 die gemeente as leraar. Hy neem verantwoordelikheid as leierleraar en mentor, en is ook onder andere vir plaaslike evangelisasie, die vrouediens, al die gemeente se funksies en gemeentebou verantwoordelik. Hennie is vir ons in woord en daad 'n voorbeeld van hoe 'n lewende verhouding met Jesus lyk.
|
Ds. Nico Smit - Leraar
|
